БУГАРИЈА СЕ ИСПАНИЧИ!!!

Се бара признавање на Македонците во Бугарија

Нашиот народ вели: на лагите им се кратки нозете. И точно е тоа. Бугарија долго време лаже дека дека кај нив нема македонско малцинство, но гледаме дека полека, полека ќе мора да ја прифатат реалноста и да го признаат долго оспоруваниот факт. Но зошто толкава паника? Паниката се состои во то дека покрај македонското малцинство по автоматизам ќе мора да признае дека постои Македонски народ, и дека жителите во Република Македонија се МАКЕДОНЦИ. А кога тоа ќе го признаат, по автоматизам и паѓа во вода тврдењето дека Македонците се болгари. Ќе мора да признаат дека историјата им е една голема лага и еден обичен фалсификат. Во овој момент треба да се обратиме кај своите пријатели низ Европа и да ги потсетиме обврските на Бугарија дека доколку сака да влезе во ЕУ, треба да ги признае правата на малцинствата во својата држава.

Типичен пример на паника е и реакцијата на болгарскиот министер за надворешни работи г.Ивајло Калфин кој рекол дека   „Ако на Македонија и треба поддршка од Бугарија за евроинтеграциите, тогаш не смее да пројавува агресија кон бугарската историја и нација“.  

Верувам дека оваа изјава е дадена во паника од скорешните случувања во болгарија за кои имам пишувано, и по повод отвореното писмо до еврокомесарот за проширување, Оли Рен, испратено од Претседателката на Европската слободна алијанса, Нели Маес. Во него се вели:

Европската комисија треба да ја следи ситуацијата во Бугарија и да помогне да се регистрира партијата на Македонците ОМО Илинден ПИРИН, побара Европската слободна алијанса. Антимакедонската хистерија во Бугарија мора да престане, а партијата на Македонците ОМО Илинден ПИРИН треба што поскоро да се признае, како и македонското малцинство на ниво на целата држава, препорачува Европската слободна алијанса. Овие барања таа ги искажува во писма со идентична содржина испратени на 18 јули до највисокото бугарско раководство и до претседателот на Комитетот на Министрите за надворешни работи на Европската Унија Елмар Брок и до еврокомесарот задолжен за проширувањето, Оли Рен.

Во писмото на ЕФА се истакнува дека на 25 јуни годинава, во Гоце Делчев, ОМО Илинден ПИРИН одржа основачко собрание и избрало ново раководство за партијата повторно да се регистрира пред бугарските органи.

Ова предизвика хистерија во медиумите, а некои претставници на власта сметаат дека треба да им се упатат закани на Македонците во Бугарија, употребувајќи ги зборовите „етничка група“. Општинскиот советник од Варна, Веселин Данов, рече дека „тие треба да бидат стрелани на улица“, пратениците Борис Лачев и Красимир Каракачанов изјавија дека „тие веднаш треба да се испратат во затвор“, а градоначалникот на Благоевград Лазар Причкапов побара „сите Македонци да бидат протерани од Бугарија“.

ЕФА, партија што се залага за почитување за правата на националните малцинства, во писмото истакнува дека некои партии го негираа правото на ОМО да се регистрира, иако највисокиот европски суд во Стразбур веќе двапати пресуди дека таа партија го има тоа право. Сметаме дека омразата не е корисна за никого и затоа веруваме дека брзото признавање на таа партија може да доведе до поголемо заедничко почитување на бугарската држава, смета ЕФА.

„Затоа, од Европската комисија бараме во наредните недели да ја следи ситуацијата, што ќе овозможи партијата ОМО Илинден ПИРИН да се регистрира“, истакнува во писмото ЕФА.

Во Европската слободна алијанса членува Виножито, партија на Македонците од Грција, а од неодамна ОМО Илинден ПИРИН стана посматрач во Алијансата.