ЦАР САМУИЛ НЕ БИЛ ТУРКО-МОНГОЛСКИ ЦАР!

- Во врска со  објавената провокација во "Вечер" од страна на бугарскиот историчар Божидар Димитров, кој понуди голема сума пари на оној македонски историчар што ќе докаже дека цар Самуил бил Македонец, побаравме коментар од познатиот историчар Александар Донски, чија книга "Етногенетските разлики помеѓу Македонците и Бугарите" се уште е вистински бестселер во Македонија и деновиве по трет пат беше допечатена. Еве што вели тој: "Прашањето поставено од Димитров е смешно. Ниту еден македонски историчар не тврди дека Самуил бил етнички Македонец од проста причина што не се знае ништо за неговото етничко потекло. Тој не бил ни Бугарин, туку најверојатно бил од ерменско потекло (поради ерменското име на својата мајка), а можеби и од еврејско (поради старозаветните имиња што ги носеле тој и неговите браќа).

Се разбира дека можеби бил и од македонско потекло, но Бугарин сигурно не бил, затоа што Бугарите (како турко-монголско племе) припаѓале на жолтата раса. Ние само тврдиме дека Македонија била центар и основа на Самуиловото Царство и тоа е секому познато. Инаку, токму според една бугарска легенда, Самуил бил потомок на цар Јустинијан Велики (Македонец, роден во близината на Скопје), а токму бугарскиот автор Антон Дончев во својата книга 'Сказание од времето на Самуила' (Софија, 1980) пишува дека знамето на цар Самуил било црвено со жолто сонце во средината, т.е. слично на античко-македонскиот симбол. Еден од најпознатите бугарски поети Иван Вазов, пак, во својата песна "Пред Беласица", за царот Самуил пишува дека бил 'македонски император'. Овде читаме: 'В мигот стои Самуил пред својот шатор... И си мисли македонскиот император...' Точно е дека во некои византиски документи Самуиловата држава е детерминирана како "бугарска", а неговите војници како "Бугари", но не секогаш тоа било во етничка смисла.

Имено, за мнозина тогашни византиски историчари поимот "бугари" бил синоним за луѓе со пониска култура (простаци). Ете затоа, сите припадници на повеќенационалната војска на Самуил биле нарекувани "бугари" (со мало "б"), т.е. простаци и затоа византискиот цар Василиј Втори го добил прекарот "Бугароубиец" (убиец на луѓе со пониска култура). Впрочем, ваквото детерминирање на поимот "бугари" (и како етноним и како синоним за луѓе со пониска култура) е наведено и во "Речникот на современиот грчки јазик" од д-р Бабиниотис (Атина, 1998). Истото го пишува и во "Периодическо списание" (Софија, 1904, стр. 818), каде читаме: "...За Македонците терминот бугарин не означувал етничка припадност". Што се однесува до плочата што ја спомнува Димитров, состојбата е сосема поинаква. Плоча на која Самуил наводно е детерминиран како "бугарски цар" беше пронајдена во 1997 година во егејскиот дел на Македонија. Таа плоча беше однесена во Бугарија на стручен преглед и токму Божидар Димитров (кој тогаш очигледно бил пообјективен) прогласи дека плочата е фалсификат, направен од големобугарските романтичари во 19 век. За ова извести и бугарскиот весник "Континент" (02.10.1997). Поради тоа, Божидар Димитров се најде во немилост на големобугарските шовинисти, па за да си ја спаси директорската фотелја почна нагло да шири антимакедонска хистерија со која до денес продолжува. Неговите шовинистички артикулации и фашизмот што на голема врата се враќа во Бугарија (преку влезот на партијата "Атака" во парламентот и преку јавните навреди против Турците и Ромите во оваа земја) може во догледна иднина да доведе до распад на оваа држава".

Извор: Вечер