Трендо и Фактор Х

Да не ве држам во неизвесност. Кога го видов човечето како се качува на бината и место Трендо ја подига наградата, косата ми се подигна од вчудоневиденост, знаејки го Трендовото мислењето  за чоечево со крувчиња. Следниот ден веднаш  е-маил до Трендо за пресвртот во неговото мислење за гатачов и со прашање дали прешол во политичари? Одговорот беше дека го боли нос за наградата на бубамара и случајно налетал на доленаведениот гатач и во моментот му паднала на памет заебанцијата да дојде до замена. Го прашал човечето и тој веднаш и со голема среќа на лицето прифатил тоа да го стори. Не е битно за што е поводот, битно е да се појави на ТВ. Ако се сеќавате и Тони Михајловски беше изненаден од тоа дека друг Сашо се појавува на бина. Излезе Сашо бајачот со целосно исфрлање на мостовите што ги има во уста, во вид на насмевка и ја прими бубамарата. Си замина сиот среќен како да се работеше за оскар за животно дело.